ამ გაკვეთილის ბოლოს სტუდენტმა უნდა:

(1) გაიგოს, როგორ გვეხმარება ღმერთი გადაწყვეტილებების მიღებაში.

(2) იცოდეს, როგორ მოემზადოს ღვთის ნების გასაგებად და სწორი გადაწყვეტილებების მისაღებად.

(3) თავიდან აიცილოს შეცდომები, მიმართულების ძიებისას.

2018 წლის სექტემბერში, მიწისძვრამ კუნძულის ქვეშ გამოიწვია ცუნამი (გიგანტური ტალღა) ინდონეზიის ქალაქ პალუს მიმართულებით. კაცმა, მაღალი შენობის სახურავიდან დაინახა, რომ ტალღა მოდიოდა. ის ყვიროდა და აფრთხილებდა ხალხს ქუჩაში, მაგრამ უმეტესობამ ყურადღება არ მიაქცია მას. 4000-ზე მეტი ადამიანი დაიღუპა და 10 000 დაშავდა.

ათი წლით ადრე (2008 წ.), მთავრობამ ოკეანეში განათავსა 22 ტივტივა ელექტრონული სენსორებით, რომლებიც შექმნილი იყო ცუნამის წარმოქმნის შემთხვევაში გაფრთხილების სიგნალის გასაგზავნად. თუმცა, მომდევნო რამდენიმე წლის განმავლობაში, ტივტივები არ იყო მომსახურებული და ყველა გამოვიდა მწყობრიდან. არცერთ მათგანს გაუგზავნია გაფრთხილების სიგნალი ცუნამის შესახებ 2018 წელს.

► რა არის დამონტაჟებული ყველა სამხედრო მანქანაში?

ყველა ტანკს, ჯიპს, თვითმფრინავს და ა.შ აქვს რადიო. ეს არ არის რადიო ჯარისკაცებისთვის, რომ მოუსმინონ თავიანთ საყვარელ მუსიკალურ სადგურს, არამედ რადიოა კომუნიკაციისთვის.

კომუნიკაცია აუცილებელია ბრძოლაში გამარჯვებისთვის. ჯარისკაცები ბრძოლაში ვერ ხედავენ მოქმედების მთელ არეალს. მათ შეიძლება არ იცოდნენ სად არიან მათი მეგობრები და სად არიან მტრები. მათ არ იციან რა მიმართულებით უნდა ისროლონ და რომელი მიმართულებით გადაადგილდნენ, თუკი არ აქვთ მეთაურთან კავშირი.

არაერთი შემთხვევა ყოფილა, როდესაც ჯარისკაცები დაიღუპნენ "მეგობრული ცეცხლის" შედეგად, არასწორი მიმართულებით ნასროლი ტყვიებით, მათი თანამებრძოლებისგან. იყო შემთხვევები, როდესაც რაკეტები და ბომბები, მტრის ნაცვლად მეგობრებს დაუშინეს, ცუდი კომუნიკაციის გამო.

თანამედროვე ომებში ეს ჩვეულებრივი სტრატეგიაა, რომ მტრის საკომუნიკაციო ცენტრის განადგურებას შეეცადო. მხარე, რომელიც ამაში წარმატებას მიაღწევს, დიდი ალბათობით, მოიგებს ბრძოლას.

ჩვენ სულიერ ომში ვართ. ეშმაკი გვაცდუნებს და ცდილობს მოგვატყუოს. ქვეყნიერება ცდილობს მიგვიზიდოს თავისი ცხოვრების წესით და ღირებულებებით. ჩვენს გარშემო მყოფი ადამიანები, ხანდახან ხელს გვიშლიან და ცდილობენ გადაგვაფიქრებინონ ღმერთისთვის ცხოვრება. ჩვენ ვგავართ ჯარისკაცებს მტრულად განწყობილ ქვეყანაში, გვყავს მხოლოდ რამდენიმე მეგობარი და ბევრი მტერი.

ღმერთს სურს, რომ ჩვენ მოვიგოთ სულიერი ომი. ლოცვა არის, მეთაურთან ჩვენი კომუნიკაციის საშუალება.

წარმოიდგინეთ ჯარისკაცი ბრძოლაში, რომელმაც გადაწყვიტა უგულებელყო მისი ბრძანებები და წასულიყო თავისით. მან შესაძლოა ზიანი უფრო მოიტანოს, ვიდრე სიკეთე; ის ვერ დაეხმარება მათ, ვინც მასზეა დამოკიდებული; და მას, დიდი ალბათობით, მოკლავენ ან დაატყვევებენ.

„ყოველგვარი ლოცვით და ვედრებით ილოცეთ ყოველ ჟამს სულით და ამაზე იფხიზლეთ მთელი დაჟინებით და ლოცვით ყველა წმიდასთვის" (ეფესელთა 6:18).

ეს მუხლი მონაკვეთის ბოლოშია, სადაც პავლემ აღწერა და შეადარა ქრისტიანის სულიერი საჭურველი, თავისი ეპოქის სამხედრო საჭურველს. მან თქვა, რომ ჩვენი მტრები არ არიან ფიზიკური, არამედ სულიერი.

შესაძლოა, იმ დროს ჯარისკაცებისთვის რადიოგადამცემები რომ ყოფილიყო ხელმისაწვდომი, პავლე მათ გამოიყენებდა სულიერი ჯარისკაცის აღჭურვილობის სხვა ნაწილის საილუსტრაციოდ, როგორიცაა ლოცვა. საჭურველის აღწერის შემდეგ პავლემ თქვა, რომ ლოცვა სულიერ ჯავშანთან ერთად უნდა იქნას გამოყენებული.

სანამ სულიერი ბოროტების წინააღმდეგ ვიბრძვით, ჩვენ უნდა ვილოცოთ და ვიყოთ კომუნიკაციაში ჩვენს მეთაურთან. ჩვენ მოწოდებულნი ვართ ვიყოთ ფხიზლად ლოცვაში, ვიყოთ ყურადღებიანი და დაჟინებული.

ღმერთი დაპირდა ხელმძღვანელობას მათ, ვინც მოუსმენს.

„მთელი შენი გულით მიენდე უფალს და შენს გონიერებას ნუ დაეყრდნობი. ყოველ შენს გზაზე შეიცანი უფალი და ის მოგისწორებს ბილიკებს” (იგავების 3:5-6).

„უფლის მიერ წარიმართება კაცის ნაბიჯები და განამტკიცებს მას, ვისი გზებიც მოსწონს" (ფსალმუნის 36:23).

ქრისტიანი ისე არ იღებს გადაწყვეტილებებს, როგორც ამქვეყნიური ხალხი. ზოგი ადამიანი ხელმძღვანელობს მხოლოდ საკუთარი სურვილებით და ამბიციებით. ისინი ამბობენ: “მე ის უნდა გავაკეთო, რასაც სწორად ჩავთვლი ჩემთვის.” ისინი გულისხმობენ, რომ მათ უნდა გაითვალისწინონ საკუთარი სურვილები და არ მისცენ სხვა ადამიანებს მათი გაკონტროლების უფლება. მათ მიაჩნიათ, რომ თავისუფლება ნიშნავს საკუთარ თავზე ორიენტირებას. ქრისტიანი განსხვავებულია, რადგან მას სურს ასიამოვნოს ღმერთს და აკურთხოს სხვები თავისი სიცოცხლით.

ზოგი გვირჩევს, საკუთარ თავში ვეძებოთ ყველა პასუხი. მათ მიაჩნიათ, რომ ჩვენი გრძნობები და ინსტინქტები საკმარისი მითითებაა გადაწყვეტილებებისთვის. ისინი ახალგაზრდებს მოუწოდებენ უგულებელყონ ტრადიციები და უფროსების რჩევები. მათ სძულთ რელიგიური მორალი. ამგვარი რჩევა პოპულარულია თანამედროვე ჰოლივუდურ გართობაში. ისინი მოგვითხრობენ ახალგაზრდაზე, რომელიც ავტორიტეტისა და ტრადიციის წინააღმდეგ აჯანყებული, აღწევს წარმატებას და მისდევს თავის ოცნებას. ისინი არ აჩვენებენ სიმართლეს, რომ ასეთი გადაწყვეტილებები იწვევს მწუხარებას და უბედურებას.

ზოგიერთ კულტურაში ინდივიდუალური გადაწყვეტილებები შეზღუდულია, გაფართოებული ოჯახის ან ტომის ან კლანის მიერ. არ არის მოსალოდნელი, რომ ინდივიდები დატოვებენ რეგიონს, შეიცვლიან პროფესიას, მიიღებენ უმაღლეს განათლებას ან დაქორწინდებიან, ჯგუფის თანხმობის გარეშე. ამ გარემოში უმძიმესი ცვლილებაა ადამიანმა შეცვალოს თავისი რელიგია. თუ ადამიანი გახდება ქრისტიანი და ხელმძღვანელობს პრინციპებით, რაც მის ხალხს არ ესმის, მან შესაძლოა დევნა განიცადოს. ასეთ სიტუაციაში მყოფმა ქრისტიანმა უნდა ილოცოს სიბრძნისა და ხელმძღვანელობისთვის.

ჩვენ ყოველთვის გვჭირდება ღვთის ხელმძღვანელობა და მას მივყავართ ისეთ გზებზე, რომლებსაც ყოველთვის ვერც კი ვიაზრებთ. მას არასოდეს ვავიწყდებით, მაშინაც კი, როდესაც ჩვენ არ ვფიქრობთ მასზე. მაგრამ არის შემთხვევები, როდესაც ჩვენ განსაკუთრებით გვჭირდება მისი ხელმძღვანელობის ძებნა და ვთხოვთ მას, დაგვეხმაროს დავინახოთ არჩევანი ისე, როგორიც არის ის სინამდვილეში. ღმერთმა შეიძლება მოინდომოს, ჩვენი კურსის მოულოდნელად შეცვლა.

► რა შემთხვევებში გვჭირდება ღვთისგან განსაკუთრებული მითითებების მიღება?

ჩვენ უნდა ვეძიოთ ღმერთისგან მითითებები...

1. ცხოვრებისეული გადაწყვეტილებების მიღებისას: ქორწინება, პროფესია, განათლება, ადგილობრივი ეკლესიისადმი ვალდებულება

2. პრაქტიკული გადაწყვეტილებების მიღებისას: სამუშაო შესაძლებლობები, სად ვიცხოვროთ, დიდი შესყიდვები

3. როდესაც გეგმავთ და მსახურობთ:[1] პირის პირადი მოწოდება, სად და ვისთან ერთად უნდა იმსახუროს, თემები ქადაგებისა და სწავლებისთვის

4. როდესაც მონაწილეობთ ეკლესიის ცხოვრებაში:[2] როგორ ვიმსახუროთ, რა ვისწავლოთ, რა გავცეთ, როგორ ვიყოთ ქრისტეს სხეულის ნაწილი დედამიწაზე

(1) მიუახლოვდით ღმერთს ლოცვაში. თუ თქვენი ცხოვრების დიდ ნაწილს ატარებთ ღმერთთან საუბრის გარეშე, თქვენ მიჰყვებით საკუთარ მიდრეკილებებს და შეზღუდულ წარმოდგენებს.

(2) ნუ ენდობით საკუთარ მსჯელობას უფრო მეტად, ვიდრე ბიბლიურ ჭეშმარიტებას. როგორც ქვემოთ მოყვანილი მუხლი ამბობს, "... შენს გონიერებას ნუ დაეყრდნობი" (იგავების 3:5).

(3) ყოველთვის დაემორჩილეთ იმას, რაც დარწმუნებით იცით, რომ ღვთის ნებაა. ეს გააუმჯობესებს თქვენს აღქმას. ადამიანს, რომელიც არ ემორჩილება ღვთის სიტყვას, ნამდვილად არ სურს ღვთის ნება, რადგან ღმერთი გამოხატავს მის ნებას წმინდა წერილის საშუალებით. თუ თქვენ დაემორჩილებით მხოლოდ იმ ნაწილს, რაც იცით ღვთის ნების შესახებ თქვენზე, კიდევ უფრო მეტად დაიბნევით -სინათლე სიბნელედ იქცა (ლუკას 11:35).

ვიცით, რომ ღვთის ნებაა, რომ ჩვენ უნდა:

• ავიღოთ ჩვენი ჯვარი ყოველდღიურად და მივყვეთ იესოს (ლუკას 9:23)

• მოვიქცეთ სწორად და ვთქვათ ჭეშმარიტება ჩვენს გულებში (ფსალმუნის 14:2)

• პატივი ვცეთ ერთგულ სულიერ ლიდერებს (1 თესალონიკელთა 5:12-13).

• ვიხაროთ მარადჟამს (1 თესალონიკელთა 5:16).

• ვილოცოთ განუწყვეტლივ (1 თესალონიკელთა 5:17).

• ვიყოთ მადლიერნი ყველა სიტუაციაში (1 თესალონიკელთა 5:18).

• არ ჩავაქროთ სული (1 თესალონიკელთა 5:18).

• არ შევურაცხყოთ წინასწარმეტყველებები (1 თესალონიკელთა 5:19).

• გამოვიკვლიოთ ყველაფერი (1 თესალონიკელთა 5:20).

• მტკიცედ ჩავეჭიდოთ იმას, რაც კეთილია (1 თესალონიკელთა 5:21).

• თავი შევიკავოთ ყოველგვარი ბოროტებისგან (1 თესალონიკელთა 5:22).

• ვიყოთ სრულიად განწმენდილნი (1 თესალონიკელთა 5:23).

და არსებობს მრავალი სხვა ბრძანება, რომელიც შეიძლება შეჯამდეს ერთ სიტყვაში: სიყვარული! (რომაელთა 13:8-10). როდესაც ჩვენ ვაკეთებთ იმას, რაც ვიცით, რომ ღვთის ნებაა, ბევრი ჩვენი ნაკლებად სასიცოცხლო გადაწყვეტილება ბუნებრივად განვითარდება.

(4) იყავით მომთმენნი. შეიძლება დიდხანს დაგჭირდეთ ლოდინი, სანამ ღმერთი გახსნის კარებებს და მოგიმზადებთ სიტუაციებს. ნუ მიიღებ ნაადრევ გადაწყვეტილებებს, მოუთმენლობის გამო. „დაემორჩილე უფალს და მოთმინებით დაელოდე მას" (ფსალმუნის 37:7). არასოდეს გააკეთო ის, რაც იცი რომ არასწორია, დაჟინებულობის გრძნობის გამო.

(5) ყური უგდეთ კარგ რჩევებს, „რადგან ბრძნული მითითებით წარმართავს ომს და მრავალი მრჩევლის წყალობით ექნება გამარჯვება“ (იგავების 24:6).[1] როდესაც ღმერთს სურს, რომ თქვენ მიიღოთ დიდი გადაწყვეტილება, ის ამას ხშირად აჩვენებს თქვენთვის მნიშვნელოვან ადამიანებს, თქვენს ცხოვრებაში. თუ არსებობენ ღვთისმოსავი, ხანდაზმული ადამიანები, რომლებიც გიცნობენ და ზრუნავენ თქვენზე, მაშინ მარტივად არ უნდა გადაწყვიტოთ იმის გაკეთება, რაც მათი აზრით შეცდომაა.

► მოიყვანეთ იმ გადაწყვეტილების მაგალითი, რომელიც იცით, რომ ღმერთის მითითებით მიიღეთ. როგორ დაგანახათ ღმერთმა, რომ ეს სწორი გადაწყვეტილება იყო?

► სასარგებლო იქნება ასევე, თქვენი არასწორი გადაწყვეტილების მაგალითის გაზიარებაც. თქვენ არ დაიცავით ოთხი პრინციპიდან ერთ -ერთი, რათა ღმერთის მიერ უკეთ მომართული ყოფილიყავით?

მიეცით საშუალება სხვებსაც, გაუზიარონ იგივე.

► შეიძლება ვიღაც ახლა ცდილობს მიიღოს რაღაც გადაწყვეტილება, რომლის განხილვაც სურს ჯგუფთან.

ამბავში მოთხრობილია, რომ ერთ-ერთ დილას მქადაგებელი ჩარლზ სტალკერი ლოცულობდა, რა დროსაც ღმერთი დაელაპარაკა მას და უთხრა: „მე მსურს, რომ შენ ჩინეთში წახვიდე." სტალკერი გაოგნებული იყო, რადგან მას არ ჰქონდა არც კონტაქტები, არც ფული წასასვლელად. შთაბეჭდილება იმდენად ძლიერი იყო, რომ ჩემოდანი ჩაალაგა და სადგურისკენ წავიდა, სადაც ასეთი მოგზაურობა უნდა დაწყებულიყო. იქ უცნობი მივიდა და ჰკითხა: „თქვენ ხართ ჩარლზ სტალკერი?" შემდეგ განაგრძო: ”მე გამომგზავნეს აქ ბილეთით, რათა გაგამგზავროთ ჩინეთში."

► ჩვეულებრივ ასე უნდა ველოდოთ ღმერთისგან, მისი ნების ჩვენებას? შეექმნება პრობლემა იმ ადამიანს, რომელიც ამ გზით ელოდება თავის გადაწყვეტილებებში ღვთის ნების პოვნას?

ზოგი ელოდება ზებუნებრივ მითითებებს, თითოეული გადაწყვეტილებისთვის, რასაც იღებს. ისინი უგულებელყოფენ ნორმალურ მსჯელობას და გარემოებებს, რადგან თვლიან, რომ ღვთის ნება შეიძლება იყოს ყველა მსჯელობისა და გარემოების საპირისპირო.

არასწორია იმის დაჟინება, რომ ღმერთმა უნდა მოგვცეს ზებუნებრივი გამოცხადება ჩვენი გადაწყვეტილებებისთვის, რადგან ის ხშირად არ გამოხატავს თავის ნებას ამ გზით. თუ ადამიანი იგნორირებას უკეთებს მსჯელობას და გარემოებებს, მას შეუძლია იფიქროს, რომ ის ღებულობს ღმერთისგან, როდესაც ის მიჰყვება საკუთარ ემოციებს ან წარმოსახვას.

ყოველთვის, როდესაც რაიმე, ნათლად არის წმიდა წერილით ნაბრძანები, ან აკრძალული, ჩვენ ვიცით ღვთის ნება. თუმცა, არსებობს ბევრი გადაწყვეტილება ცხოვრებაში, სადაც ჩვენ გვაქვს ალტერნატივები, რომლებიც პირდაპირ არ არის ნაბრძანები ან აკრძალული. საიდან უნდა იცოდეს ადამიანმა, სად უნდა იცხოვროს, რა სამუშაო ჰქონდეს და რაში დახარჯოს თავისი ფული?

► განსაკუთრებული გამოცხადების გარეშე, საიდან უნდა იცოდეს ადამიანმა ღვთის ნება იმ გადაწყვეტილების შესახებ, რომელიც წმინდა წერილში არ არის კონკრეტულად მითითებული?

ზოგიერთი ადამიანი, რადგან ის ელის, რომ ღვთის ნება ზებუნებრივად უნდა გამოვლინდეს, მსჯელობისა და გარემოებების გარეშე, პოულობს არარაციონალურ მეთოდს, რომელსაც, მისი აზრით, ღმერთი გამოიყენებს, მათთვის მითითებების მისაცემად. მათ შეიძლება ღმერთს სთხოვონ, რომ გარკვეული ნიშანი მისცეს, თავისი ნების საჩვენებლად. ან შესაძლოა, მათ ბიბლია გადაშალონ და იპოვნონ შემთხვევითი მუხლი, რომელსაც თავიანთ სიტუაციას მიუსადაგებენ.

ჯონ უესლიმ რამდენიმე პრაქტიკული მითითება დატოვა, იმის შესახებ, თუ როგორ გავიგოთ ღვთის ნება. მან თქვა, რომ ჩვენ ვიცით, რომ ღვთის ზოგადი ნება ჩვენთვის, რომელიც ბიბლიაშია ნათქვამი, არის ის, რომ ვიყოთ წმიდები და ვაკეთოთ სიკეთე. ამიტომ, კონკრეტული გადაწყვეტილების მისაღებად, უნდა გავითვალისწინოთ, რომელი ვარიანტი მოგვცემს, ყველაზე მეტად საშუალებას, ვიყოთ წმიდანი და მივაღწიოთ უფრო მეტ სიკეთეს.

ჩვენ საკუთარი გამოცდილებიდან ვსწავლობთ, რომელი გარემოებებია ჩვენთვის სულიერად მომგებიანი და რომელი საშიში. ზოგიერთი გარემოება სულიერად საშიშია ნებისმიერი ადამიანისთვის; სხვები საშიშია ზოგიერთისთვის, მაგრამ არა ყველასთვის. რამდენადაც შეგვიძლია, ჩვენ თვითონ უნდა დავდგეთ იმ გარემოებებში, რომლებიც დაგვეხმარება სულიერად გაძლიერებაში და თავიდან ავიცილოთ სიტუაციები, რომლებიც ცდუნებას მოგვიტანს (1 კორინთელთა 10:12-13).

კეთილგონიერებითა და გამოცდილებით, ასევე სხვების რჩევით, ჩვენ ასევე შეგვიძლია განვსაზღვროთ რომელი ვარიანტი მოგვცემს საშუალებას მივაღწიოთ უფრო მეტ სიკეთეს.

როგორც წესი, ღმერთი არ აჩვენებს თავის ნებას სპეციალური გამოცხადებით. ის მოელის, რომ ჩვენ გამოვიყენებთ ბიბლიურ პრინციპებს, ყურადღებით დავაკვირდებით და შევისწავლით გარემოებებს. სულიწმიდა მიგვიძღვება მაშინაც კი, როდესაც ჩვენ ამას ვერც ვაცნობიერებთ. უმეტესი გადაწყვეტილებების მისაღებად ჩვენ არ უნდა ველოდოთ გამოცხადებას, მაგრამ უნდა ვილოცოთ სიბრძნისა და გაგების მისაღებად.

ადამიანები, რომლებიც ღვთისგან განსაკუთრებული მიმართულების მიღებაზე აცხადებენ პრეტენზიას, ზოგჯერ უარს ამბობენ სხვა ადამიანების მოსმენაზე (იგავების 12:15). ისინი შეიძლება გაბრაზდნენ, როდესაც ხალხი კითხვის ნიშნის ქვეშ აყენებენ მათ გადაწყვეტილებებს. ისინი ავლენენ სიამაყეს და სიჯიუტეს და არა თავმდაბლობას.

► სტუდენტმა ჯგუფს უნდა წაუკითხოს 1 პეტრეს 5:5-6.

იშვიათი შემთხვევების გარდა, უმჯობესია ადამიანმა არ განაცხადოს, რომ ღმერთმა უთხრა მას, ზუსტად რა უნდა გაეკეთებინა. როდესაც ადამიანი ასე ამბობს, ძნელია მას ვინმემ რჩევა მისცეს, ან აზრი გაუზიაროს. მისთვის უკეთესი იქნებოდა ეთქვა, რომ ის ცდილობს მიიღოს საუკეთესო გადაწყვეტილება, ღვთის დახმარებით.

უესლის მიერ გამოკვეთილი პრინციპების გარდა, როდესაც ფიქრობთ თქვენს ვარიანტებზე, დაფიქრდით:

1. შეესაბამება ეს, გამოკვეთილ ბიბლიურ მითითებებს? ღმერთს არასდროს სურს, რომ თქვენ მის სიტყვას არ ემორჩილებოდეთ.

2. შეესაბამება ეს ბიბლიურ პრიორიტეტებს? ბიბლია გვაჩვენებს იმ რამეებს, რაც ღმერთისთვის მნიშვნელოვანია. თქვენს გადაწყვეტილებაში უკავია პირველი ადგილი იმას, რაც მნიშვნელოვანია?

3. შეესაბამება ეს, გარემოებების რეალისტურ ხედვას? თქვენ უნდა დაინახოთ, როგორ მოამზადა ღმერთმა თქვენი მდგომარეობა ამ გადაწყვეტილებისთვის.

4. არის ეს გონივრული? ხანდახან ღმერთს შეუძლია გიბიძგოთ ისეთი რამის გაკეთებისკენ, რაც არ ჩანს გონივრული, მაგრამ თუ ასეა, ის გაგიცხადებთ თავის ნებას. არასოდეს უარყოთ გონება, როგორც ღვთის ნების გამოვლენის საშუალება.

5. ეს ქრისტიანული საქციელია? ნუ იფიქრებთ, რომ ნებისმიერი სიტუაცია იმდენად გამონაკლისია, რომ თქვენ შეგიძლიათ გააკეთოთ ისეთი რამ, რაც ჩვეულებრივ, არ იქნება სასიამოვნო ღმერთისთვის.

6. შეესაბამება ეს, სხვების მიმართ ისეთ სიყვარულს, რაც საკუთარი თავის მიმართ გვაქვს? ეგოისტური მოტივები დამახინჯებს თქვენს გამჭრიახობას.

7. ექნება ამას კარგი გავლენა? რა მოხდება, თუ სხვებიც ისე მოიქცევიან, როგორც თქვენ? ეს კარგი იქნება?

8. დამტკიცებულია ეს ღვთისმოსავი მრჩევლების მიერ? ჩვენ ყველამ ვიცით, როგორ ვიპოვოთ მეგობრები, რომლებიც დაგვეთანხმებიან, მაგრამ რას იტყვიან ადამიანები, რომლებიც ყველაზე სულიერი და ბრძენი გეჩვენებათ, თქვენს გადაწყვეტილებაზე?

როდესაც ღვთის ნება არის რაღაც ძალიან განსაკუთრებული, მას შეუძლია გაგაგებინოთ ის ეჭვებს მიღმა. ანგელოზმა, თუ ხილვამ, თუ აალებულმა ბუჩქნარმა, დარწმუნებულობა მისცა ზოგიერთ ადამიანს წარსულში. ღმერთს შეუძლია უბრალოდ მისცეს შინაგანი დარწმუნებულობა, რომელიც ეჭვს არ იწვევს. მაგრამ როდესაც ღმერთისგან მკაფიო გზავნილი არ გაქვთ მიღებული, თქვენ უნდა დაიცვათ უტყუარი პრინციპები სწორი ვარიანტის გასარჩევად. ნუ ელოდებით, რომ მიიღებთ განსაკუთრებულ გამოცხადებას ყოველი გადაწყვეტილებისთვის. თუ გულწრფელად და ლოცვით მსჯელობთ სწორ პრიორიტეტებზე, ღმერთი ერთგული იქნება თქვენი გადაწყვეტილების წარმართვაში.

რომაელთა 12:1-2-ში პავლე წერდა,

ამიტომ, გევედრებით ძმებო, ღვთიური თანაგრძნობის მეშვეობით წარუდგინეთ თქვენი სხეულები ცოცხალ და წმიდა, ღვთისათვის სასურველ მსხვერპლად, ანუ თქვენი გონივრული მსახურება. და ნუ მიესადაგებით ამ წუთისოფელს, არამედ გარდაისახენით თქვენი გონების განახლებით, რათა შეიცნოთ, რა არის ღვთის ნება - კეთილი, სასურველი და სრულყოფილი.

ეს მუხლი გვიჩვენებს, თუ როგორ მოქმედებს ადამიანის სულიერი მდგომარეობა მის გადაწყვეტილებებზე. ღვთის ნება რომ გავიგოთ, პირველ რიგში, თავი მთლიანად ღმერთს უნდა მივუძღვნათ. ქრისტიანის გადაწყვეტილებები ეწინააღმდეგება ქვეყნიერების გადაწყვეტილებებს, რადგან ის არ არის „ქვეყნიერებას მორგებული", არამედ გარდაიქმნა და იღებს გადაწყვეტილებებს „განახლებული გონებით."

მოტივები არის ყველაზე მნიშვნელოვანი ფაქტორი, ღვთის მითითებების გამოსაცნობად. ადამიანი, რომელიც ეძებს ღვთის ნებას მხოლოდ იმისთვის, რომ გადაწყვიტოს, გააკეთოს თუ არა ესა თუ ის რაღაც, ალბათ დაიბნევა. თუ ადამიანი ეძებს ღვთის ნებას ბიბლიური და გონივრული საშუალებების შესაბამისად, და მისი შესრულების გულწრფელი მონდომებით, ის არ ასცდება ღვთის ნებას.

► განიხილეთ უესლის პრინციპის გამოყენების ზოგიერთი გზა. ზოგიერთი მაგალითი შეიძლება იყოს მეგობრების არჩევა დროის გასატარებლად, დასაქმების ვარიანტები ან გაცნობითი ურთიერთობა (თუ დასაოჯახებელი ხართ). აწონ-დაწონეთ, რომელი სიტუაცია დაგეხმარებათ, იყოთ წმინდა და მოიმოქმედოთ მეტი სიკეთე?

► ზოგიერთ ადამიანს არ შეუძლია შეინარჩუნოს ქრისტიანული იდენტობა, როდესაც ისინი იმყოფებიან გარკვეული ტიპის ადამიანებთან ან გარკვეულ ადგილებში. განვიხილოთ მაგალითები.

სხვა შესაძლო კითხვები განსახილველად:

• მოტივაციის როლი გადაწყვეტილების მიღებაში.

• ნიშნის ლოდინის შეცდომა.

• შინაგანი გრძნობებისადმი გადამეტებული ნდობის საშიშროება.

ზეციერო მამა,

მადლობა, რომ დაგეგმე კარგი საქმეები ჩემთვის. ვიცი, რომ შენ უფრო მეტად წარმართავ ჩემს ნაბიჯებს, ვიდრე ამას მე ვხედავ.

დამეხმარე, ლოცვაში შენთან ახლოს ვიყო. დამეხმარე მივაქციო ყურადღება იმ ჭეშმარიტებას, რასაც შენ მაჩვენებ.

მინდა ვიყო წმინდა და მოვიმოქმედო რაც შეიძლება მეტი სიკეთე შენს სადიდებლად.

გახადე ჩემი მოტივები წმინდა, ისეთი რომ არ გადამახვევინონ შენი ნებიდან. მმართე იმ ბრძენი მრჩევლების მეშვეობით, რომლებიც შენ მოახვედრე ამ ცხოვრებაში ჩემს გვერდით.

მინდა გენდობოდე ყველა გადაწყვეტილებისას. მინდა შენს ნებას მივყვებოდე, მთელი ჩემი მორჩილი გულით.

მადლობა, რომ ჩემთვის საუკეთესო გინდა.

ამინ

(1) შეისწავლეთ იგავების 3:1-12. დაწერეთ აქ აღწერილი პრიორიტეტების, დამოკიდებულებებისა და ხასიათის შესახებ. დაწერეთ იმის შესახებ, თუ როგორ შეგიძლიათ პირადად განავითაროთ ეს მახასიათებლები. (სულ უნდა დაწეროთ 1-2 გვერდი.)

(2) გამოიკვლიეთ იაკობის 4:13-17. დააკვირდი ღვთის უზენაესობას გარემოებებზე. რა არის ბოროტება - "ამპარტავნება", რაც მოხსენიებულია მე -16 მუხლში? დაწერეთ აბზაცი, სადაც განმარტავთ რას გვეუბნება ეს მონაკვეთი მომავლის დაგეგმვის შესახებ.

(3) დაწერეთ ორი აბზაცი, რომლებშიც განმარტავთ ურთიერთდამოკიდებულებას ლოცვასა და გადაწყვეტილების მიღებას შორის. უპასუხეთ ამ კითხვებს:

• როგორ უნდა იმოქმედოს ლოცვამ ჩვენს გადაწყვეტილების მიღებაზე?

• რა შეცდომები უნდა ავიცილოთ თავიდან ლოცვასთან და გადაწყვეტილებების მიღებასთან დაკავშირებით?