Somo hili fupi linatambulisha hoja ambazo zitatolewa katika Somo la 6-8. Unaweza usilielewe somo hili kwa ukamilifu hadi hapo utakapojifunza masomo yanayofuata. Ili kuelewa vyema hoja kuhusu Imani ya Kikristo, soma somo hili, kariri kazi za kufanya zilizotolewa, soma masomo 6-8, kisha fanya marejeo ya somo hili tena. Baada ya kuwa umesoma hoja zote katika masomo yote yafuatayo, unaweza ukarejea kweye somo hili kwa ajili ya uelewa mpana zaidi.

Wakati msichana Lee alipokutana na Jia nje ya jingo lao la kuishi, alionekana kuwa yuko makini sana. Baada ya kuonana kwa muda mfupi, alisema, “Naweza nikakuuliza swali? Tafadhali nipe jibu la kweli.”

“Hakika!” Lee alijibu kwa mashaka. Ingawaje mara kwa mara alikuwa akihojiana na Jia, aliheshimu sana imani yake ya Kikristo. Ni jambo lililokuwa wazi kwamba kwa moyo safi alimjali sana Lee kama mtu. Kijana alikuwa na matumaini kwamba msichana wake hatakuwa na hasira dhidi yake. Aliendelea, “Kuna jambo lolote baya?”

“Hakuna lolote baya, lakini nimekuwa nikifikiria. Tunazungumzia kuhusu imani ya Kikristo, lakini una uhakika kwamba unatafuta ukweli? Kama maswali yako si chochote zaidi ya kuifanyia akili mazoezi, kamwe hutaweza kujua kwa ukweli Mtoaji wa Ukweli. Je, moyo wako unatafuta ukweli?”

Lee alifikiria kwa dakika kadhaa. Mara nyingine anaionea wivu imani ya Jia katika Mungu; lakini hakuwa na uhakika kama alkuwa tayari kuikubal dini ya Jia, hata kama atajibu maswali yake yote. Lee akasema, “Mimi sijui. Nadhani nitakubaliana na ukweli hata kama siupendi. Lakini sina uhakika.”

Jia akajibu, “Nadhani inabidi ujiulize wewe mwenyewe, kama ‘Je, mimi kweli ninautafuta ukweli?’ Bila ya uaminifu wa akili, mazungumzo yetu hayataenda zaidi ya udadisi wa akili tu. Fikiri kuhusu swali hili kisha tuongee kesho.”

Kama unataka kuwakilisha shauri juu ya Imani ya Kikristo, ni vyema ukawa na hoja nzuri juu ya uvuvio wa Biblia na ukweli wa Ukristo. Watu wengi leo husema, “Haijalishi kama dini ni ya kweli. Kinachojalisha ni kama dini yako ina manufaa na wewe.” Wanasisitiza, “Hakuna mambo yaliyo makamilifu kabisa, kwa hiyo hatuwezi kujua kama dini yeyote ni ya kweli.”

Hata hivyo, tulijifunza katika Somo la 2 kwamba hoja hii ni batili. Ukweli kuhusiana na dini yetu ni jambo la msingi sana. Kama Ukristo siyo wa kweli, basi Wakristo ni wapumbavu kwa kufuata dini ya uongo.

Katika somo hili, tutaanza kujenga shauri kuhusiana na imani ya Kikristo. Tutaona kwamba Ukristo ni imani ya maana. Tunaweza tukaamini kwamba Ukristo ni wa kweli. Shauri letu linadai kwamba:

1. Biblia ni Neno la Mungu.

2. Yesu ndiye njia peke yake ya kuingia Mbinguni.

3. Imani ya Kikristo ni ya kweli.

Masomo yanayofuata yatatupa ushahidi kamili wa kila umbo kwa kila kipengele katika shauri letu la Ukristo. Kwa sasa, utajifunza kuhusu kila umbo linalotumika katika shauri letu.

Umbo la kwanza katika shauri letu ni Historia Inayoaminika. Agano Jipya linaaminika kihistoria. Kama Biblia haiaminiki katika historia yake, hatuna chochote cha kutegemea. Lakini kama Agano Jipya kihistoria ni sahihi, tunao ushahidi wa kutosha kuamini kwamba Yesu alifufuka kutoka kwa wafu na akatimiza unabii mwingi unaohusiana na Masihi.

Maumbo ya Unabii na Kufufuka yanaonyesha kwamba Yesu ni yeye yule aliyesema alikuwa – Masihi, Mwana wa Mungu, Mungu aliyejidhihirisha kwa njia ya mwili. Maumbo ya Unabii na Ufufuo yanaunga mkono ukweli kwamba Yesu ni Mungu.

Sehemu nyingine ya shauri letu inasema Yesu hafanyi makosa. Kwa kuwa Yesu ni Mungu, tunajua kwamba yeye hawezi kukosa. Kuwa asiyeweza kukosa inamaanisha kwamba Yesu hawezi kukosea. Yesu alisema kwamba Biblia ni Neno la Mungu na kwamba yeye ndiye njia pekee ya kumwona Mungu.

Ukweli kwamba Yesu ni asiyeweza kukosea inaunga mkono umbo la juu la shauri letu: Ukristo ni wa kweli! Yesu, Mwana wa Mungu, alifanyika mwili wa mwanadamu, akafa msalabani, akafufuka kutoka kaburini ili tuweze kusamehewa na kupatanishwa tena na Mungu. Huu ndio ujumbe wa Imani ya Kikristo.

Maumbo sita yanawakilisha mfuatano wa vigezo mantiki zinazoelekeza kwenye hitimisho lenye mantiki. Kwenye masomo ya 6-8, tutaona ushahidi kwa kila Kigezo mantiki. Kwa somo hili, kariri kila Kigezo mantiki na hitimisho lake.

Kigezo mantiki A: Agano Jipya inaaminika kihistoria

Huu ndio msingi wa shauri letu katika Imani ya Kikristo. Kama Biblia haiaminiki katika historia yake kwamba ni sahihi, basi hatuna shauri. Kama Biblia inaaminika katika historia yake kwamba ni sahihi, tunaweza kusema kwa nguvu zote kuhusu ukweli wa Imani ya Kikristo.

Kigezo mantiki B: Yesu alitimiza unabii unaohusiana na Masihi.

Maisha ya Yesu, huduma, na kifo chake vilitimiza msururu wa dazani za unabii zilizotolewa kwa mamia ya miaka kabla ya kuzaliwa kwake.

Kigezo mantiki C: Yesu alifufuka kutoka kwa wafu.

Kutokana na usahihi wa Agano Jipya, tunaweza tukauamini ushahidi kwamba Yesu alifufuka kutoka kwa wafu.

Kigezo mantiki D: Ufufuko wa Yesu na kutimia kwa unabii kunaonyesha kwamba alikuwa Masihi, Mwana wa Mungu, na Mungu aliyekuja katika hali ya mwili.

Kama Yesu alifufuka kutoka kwa wafu na akatimiza unabii za Agano la Kale kuhusiana na Masihi, ni lazima awe Mwana wa Mungu.

Kigezo mantiki E: Kwa kuwa Yesu ni Mungu, hawezi akafanya makosa.

Kutoweza kufanya makosa ni kukaa bila kuwa na dosari yeyote. Kama Yesu ni Mungu, maneno yake kwa hakika ni thabiti na ya kutegemewa.

Kigezo mantiki F: Yesu Kristo alifundisha kwamba Biblia ni Neno la Mungu na kwamba peke yake ni njia pekee ya kumwona Mungu.

Kwa kurudiarudia, Yesu alithibitisha kwamba Maandiko Matakatifu ni Neno la Mungu. [1] Kwa kurudiarudia, Yesu aliwaeleza wasikilizaji wake kwamba yeye peke yake ni njia ya kumwona Mungu[2].

Hitimisho: Kama Yesu alikuwa Mungu, ni lazima tuamini alichokisema: Biblia ni Neno la Mungu, na Yesu ndiye peke yake njia ya kumwona Mungu. Kwa hiyo, Ukristo ni wa kweli.

Kama kila Kigezo mantiki hapa juu ni kweli, hitimisho ni lazima liwe la kweli. Kila Kigezo mantiki kinajenga Kigezo mantiki kiliyopita, ikianzia na usahihi wa historia ya Biblia.

Kwanza, tutajifunza ushahidi wa Agano Jipya kihistoria ni sahihi. Wakosoaji wanasema, “Biblia imenakiliwa mara nyingi sana kiasi kwamba haijulikani ni Biblia ipi iliandikwa mwanzo,” au “maelezo yaliyoko kwenye Agano Jipya ni matukio yaliyopitana kwa muda.” Matukio halisia yalikuwa si chochote zaidi ya mambo ya kufikirika katika Agano Jipya.”

Je, unaweza kutoa majibu ya maelezo haya? Haya ni upinzani wa kawaida kuhusu usahihi wa historia wa Agano Jipya. Katika somo linalofuata, tutajifunza jinsi ya kuonesha kwamba Biblia inaaminika kihistoria.

► Jadili kila kauli kwenye vigezo mantiki sita zilizoonyeshwa na hitimisho lake. Hakikisha unaelewa ni kwa nini hitimisho ni lazima liwe kweli kama kauli ni za kweli. Kariri hizo kauli sita na yanayofuata. Utahitajika kuandika kauli hizi na hitimisho lake kwenye chemsha bongo ya somo hili.

Jordani Monge[1] alikuwa mtu asiyeamini kwamba Mungu yupo hadi kufikia elimu ya juu ya sekondari. Wakati Wakristo walipokuwa wakizungumza naye kuhusiana na Biblia, alikuwa anaweza kushinda hoja zao zote.

Mwaka wa 2008, Jordani alijiunga na Chuo Kikuu cha Harvard kwa masomo yanayohusiana na utawala. Kaulimbiu ya kile Chuo cha Havard ni Veritas, “Ukweli.” Kama mwanafunzi asiyeamini kwamba Mungu yupo, katika Chuo Kikuu cha Havard, Jordani Monge alikutana uso kwa uso na ukweli wa umilele.

Akiwa Harvard, Jordani akawa rafiki wa mwanafunzi mwingine, Yusufu Porter, aliyekuwa Mkristo mwaminifu. Siyo tu kwamba Porter alikuwa Mkristo, bali alikuwa na akili sana na aliweza kujibu hoja za Monge zilizokuwa dhidi ya uwepo wa Mungu. Kila Jordani alipokuwa akileta hoja baada ya hoja kwake. Alimsikiliza kwa heshima kubwa na akamjibu kwa uangalifu. Alikuwa hajawahi kukutana na Mkristo wa aina hii.

Dada Monge alikuwa haamini kwamba Mungu yupo, lakini aliamini kwamba kuna sheria za maadili zisizobadilika zinazoitawala dunia. Yusufu alimwonesha kuwa madai kuwa kuna mambo mema na mambo mabaya hayatapatana bila kuamini kuwa kuna Mungu aliyeumba madili hayo yasiyobadilika. Pia alimwonyesha isivyowiana kwa kuamini kwamba dunia iliuumbwa kwa “Mlipuko Mkubwa” bila kuonyesha kwamba kuna mtu au kitu kilichosababisha Mlipuko Mkubwa kutokea.

Kwa sababu ya hoja hizi, Jordani akawa muumini asiyekubali ufunuo. Aliamini kwamba Mungu yupo, lakini bado akamkataa Yesu kama Mungu aliyefanyika mwili.[2] Kwa jinsi alivyoendelea kusoma, hata hivyo, alijifunza kwamba Wakristo wanafafanua upendo kama “kuwa mwaminifu kwa jambo la ukweli la mtu mwingine.” Dada Monge alitambua kwamba hii ndiyo sababu ya Mungu kumtoa sadaka Mwanae kufa kwa ajili ya wenye dhambi. Mungu “aliupenda ulimwengu hata akamtoa Mwanae wa pekee.” Huo ndio upendo wa kweli.

Siku moja, Jordani akasoma kwa mara ya kwanza habari ya kusulubiwa. Alianza kulia alipotambua uzuri wa sadaka ya upendo ya Mungu.

Kwa miezi kadhaa iliyofuata, Jordani alichunguza maandiko ya Wakristo maarufu kama Augustine, Blaise Pascali, na C.S.Lewis. Alianza kutambua kwamba imani ya Kikristo siyo tu kwamba ni nzuri; ni ya ukweli. Kwenye Pasaka ya 2009, Jordani Monge alibatizwa kama mwamini mpya. Kwa mara ya kwanza, alijua “Ukweli,” (Veritas).

Asubuhi iliyofuata, Lee alikuwa anangojea kwenye barabara ya pembezoni kwa ajili ya Jia. “Nimeshafikiria kuhusu swali lako. Sidhani kwamba unaweza kuthibitisha ukweli wa imani ya Kikristo kwa sababu ninafikiri ni kama hadithi ya kusimuliwa tu. Hata hivyo, Nataka niwe mtu mkweli, kama utaweza kunionesha kwamba imani ya Kikristo ni ya kweli, nitakiri kosa langu, na nitajaribu kuamini.”

Jia alijibu kwa furaha, Lee “Hilo ndilo ninalohitaji. Naamini kwamba Mungu wa Ukweli atajifunua mwenyewe kwa mtu yeyote ambaye kwa dhati anaitafua kweli. Nimekuwa nikichunguza sababu za kuamini imani ya Kikristo. Kama Mungu atanisaidia, nafikiri naweza nikakuonyesha kwamba kuna sababu nzuri ya kuamini kwamba Mungu yupo na kwamba Yesu Kristo aliishi, alikufa na alifufuka kutoka kaburini ili kutuleta kwenye mahusiano na Mungu. Tuongee tena wiki ijayo kuhusu Biblia na inaonyesha nini kuhusu ukweli wa Yesu Kristo Masihi.”

(1) Elimu ya kuitetea imani na Kichwa: Utaanza kipindi kinachofuata kwa mtihani kutokana na maswali ya tafakuri yaliyoko katika Somo la 5. Jifunze maswali haya kwa uangalifu kwa maandalizi ya mtihani

(2) Elimu ya kuitetea imani na Moyo: Wakati wa kumshuhudia mtu asiyeamini, kuna hatari ya kuanzisha mashindano ya kutumia ufahamu wa akili. Hii inamfanya kujishuku kwa kujisikia kwamba kama ukweli wa imani ya Kikristo utamshawishi, atakuwa ‘amepoteza’ hoja. Mwombe Mungu akupe wepesi wa hisia kwa ajili ya roho za watu unaowashuhudia. Elimu ya kuitetea imani ni lazima iwe ya mawasiliano ya moyo kwa moyo na siyo kichwa kwa kichwa.

(3) Elimu ya kuitetea imani na Mikono: Baada ya kuwa umehakiki hoja za imani ya Kikristo, shirikisha hizi kauli kwa mtu asiyeamini. Ikiwezekana, ongea na mtu asiyeamini ambaye ulizungumza naye katika masomo yaliyopita. Uliza, “Kama nitaweza kukuonyesha kwamba kila umbo katika maumbo haya ni kweli, utakuwa tayari kusikiliza kile nitakachowakilisha kwako? Kumbuka kwamba lengo lako siyo kushinda hoja iliyopo, bali kupata nafasi ya kushirikisha ukweli. Toa taarifa kuhusu mazungumzo yenu katika kipindi cha darasa kitakachofuata.

(1) Kuna sehemu ngapi tatu za shauri la Imani ya Kikristo katika somo ili?

(2) Maumbo sita yanayounga mkono shauri la Imani ya Kikristo ni yapi?

(3) Orodhesha vigezo mantiki sita na hitimisho lake vinavyoleta shauri la Imani ya Kikristo.

(4) Nukuu kutoka kichwani 1 Wathesalonike 2:13.