1.     ਪਰਮੇਸ਼ੁਰ ਦੀ ਬੁੱਧੀ ਨੂੰ ਸਿੱਖਣਾ ਸਭ ਤੋਂ ਮਹੱਤਵਪੂਰਣ ਕੰਮ ਹੈ ਜੋ ਮੈਂ ਕਰ ਸਕਦਾ ਹਾਂ (ਕਹਾਉਤਾਂ 2:4-5, ਕਹਾਉਤਾਂ 4:5)।

2.    ਮੈਨੂੰ ਉਸ ਹਰੇਕ ਗੱਲ ਉੱਤੇ ਵਿਸ਼ਵਾਸ ਨਹੀਂ ਕਰਨਾ ਚਾਹੀਦਾ ਜੋ ਮੈਂ ਸੁਣਦਾ ਹਾਂ (ਕਹਾਉਤਾਂ 14:15)।

3.    ਮੈਨੂੰ ਆਪਣੇ ਸਾਰੇ ਫੈਸਲਿਆਂ ਵਿੱਚ ਪਰਮੇਸ਼ੁਰ ਦੀ ਇੱਛਾ ਦੀ ਪਾਲਣਾ ਕਰਨੀ ਚਾਹੀਦੀ ਹੈ ਤਾਂ ਕਿ ਉਹ ਮੇਰੀ ਅਗਵਾਈ ਕਰ ਸਕੇ (ਕਹਾਉਤਾਂ 3:5-6)।

4.    ਮੈਨੂੰ ਆਪਣੇ ਮਾਤਾ-ਪਿਤਾ ਤੋਂ ਸਲਾਹ ਅਤੇ ਬੁੱਧੀ ਨੂੰ ਸੁਣਨਾ ਚਾਹੀਦਾ ਹੈ (ਕਹਾਉਤਾਂ 1:8)।

5.    ਚੰਗੀ ਸਲਾਹ ਮੇਰੇ ਜੀਵਨ ਨੂੰ ਅਸੀਸ ਦਿੰਦੀ ਹੈ ਅਤੇ ਮੈਨੂੰ ਦੂਸਰਿਆਂ ਦੀ ਮਦਦ ਕਰਨ ਦੇ ਯੋਗ ਬਣਾਉਂਦੀ ਹੈ (ਕਹਾਉਤਾਂ 10:17)।

6.    ਜੇ ਮੈਂ ਚੰਗੀ ਸਿੱਖਿਆ ਨੂੰ ਅਣਦੇਖਿਆ ਕਰਦਾ ਹਾਂ, ਤਾਂ ਮੈਂ ਬਿਪਤਾ ਦਾ ਅਨੁਭਵ ਕਰਾਂਗਾ (ਕਹਾਉਤਾਂ 13:18)।

7.    ਚੰਗੀ ਹਿਦਾਇਤ ਮੇਰੀ ਵਿਕਾਸ ਕਰਨ ਅਤੇ ਸੁਧਾਰ ਕਰਨ ਵਿੱਚ ਮਦਦ ਕਰਦੀ ਹੈ (ਕਹਾਉਤਾਂ 9:9)।

8.    ਪਰਮੇਸ਼ੁਰ ਨਹੀਂ ਚਾਹੁੰਦਾ ਕਿ ਮੈਂ ਹਿੰਸਕ ਜਾਂ ਧੋਖੇਬਾਜ਼ ਬਣਾਂ (ਕਹਾਉਤਾਂ 3:31-32)।

9.    ਮੈਨੂੰ ਲੋੜ ਹੈ ਕਿ ਮੈਂ ਆਪਣੇ ਦਿਲ ਵਿੱਚ ਸਹੀ ਇਰਾਦੇ ਰੱਖਾਂ (ਕਹਾਉਤਾਂ 4:23, ਕਹਾਉਤਾਂ 12:5)।

10.   ਪਰਮੇਸ਼ੁਰ ਇਸ ਦਾ ਅਸਲ ਕਾਰਣ ਜਾਣਦਾ ਹੈ ਕਿ ਜੋ ਮੈਂ ਕਰਦਾ ਉਹ ਕਿਉਂ ਕਰਦਾ ਹਾਂ (ਕਹਾਉਤਾਂ 16:2)।

11.   ਜੇ ਮੈਂ ਗਿਆਨ ਅਤੇ ਤਾੜਨਾ ਨੂੰ ਅਣਦੇਖਿਆ ਕਰਦਾ ਹਾਂ ਤਾਂ ਮੈਂ ਮੂਰਖ ਹਾਂ (ਕਹਾਉਤਾਂ 1:22, ਕਹਾਉਤਾਂ 12:1)।

12.   ਪਰਮੇਸ਼ੁਰ ਦੀ ਇੱਛਾ ਦਾ ਅਨੁਸਰਣ ਕਰਨਾ ਮੈਨੂੰ ਬਹੁਤ ਸਾਰੀਆਂ ਬਿਪਤਾਵਾਂ ਤੋਂ ਬਚਾਉਂਦਾ ਹੈ (ਕਹਾਉਤਾਂ 1:33)।

13.   ਪਰਮੇਸ਼ੁਰ ਉੱਤੇ ਭਰੋਸਾ ਕਰਨ ਦੁਆਰਾ ਮੈਂ ਡਰ ਤੋਂ ਆਜ਼ਾਦ ਹੋ ਸਕਦਾ ਹਾਂ (ਕਹਾਉਤਾਂ 3:25-26)।

14.   ਮੈਨੂੰ ਆਪਣੀਆਂ ਯੋਗਤਾਵਾਂ ਅਤੇ ਆਪਣੀ ਸਮਝ ਉੱਤੇ ਭਰੋਸਾ ਰੱਖਣ ਦੇ ਬਜਾਏ ਪਰਮੇਸ਼ੁਰ ਉੱਤੇ ਭਰੋਸਾ ਰੱਖਣਾ ਚਾਹੀਦਾ ਹੈ
(ਕਹਾਉਤਾਂ 3:7, ਕਹਾਉਤਾਂ 11:2, ਕਹਾਉਤਾਂ 12:15)।

15.   ਮੈਂ ਹਮੇਸ਼ਾ ਲਈ ਪਾਪ ਨੂੰ ਲੁਕਾ ਨਹੀਂ ਸਕਦਾ (ਕਹਾਉਤਾਂ 10:9)।

16.  ਪਰਮੇਸ਼ੁਰ ਦੇ ਨਿਯਮ ਮੈਨੂੰ ਬਚਾਉਂਦੇ ਹਨ ਅਤੇ ਮੇਰੀ ਮਦਦ ਕਰਦੇ ਹਨ (ਕਹਾਉਤਾਂ 6:23-24)।

17.   ਜੇ ਮੈਂ ਆਪਣੀਆਂ ਇੱਛਾਵਾਂ ਅਤੇ ਭਾਵਨਾਵਾਂ ਨੂੰ ਕਾਬੂ ਵਿੱਚ ਰੱਖ ਸਕਦਾ ਹਾਂ, ਤਾਂ ਮੈਂ ਮਜ਼ਬੂਤ ਹਾਂ (ਕਹਾਉਤਾਂ 16:32,
ਕਹਾਉਤਾਂ 25:28)।

18.   ਜੇ ਮੈਂ ਲਾਪਰਵਾਹੀ ਦੇ ਨਾਲ ਬੋਲਦਾ ਹਾਂ, ਤਾਂ ਮੈਂ ਖੁਦ ਨੂੰ ਅਤੇ ਦੂਸਰਿਆਂ ਨੂੰ ਨੁਕਸਾਨ ਪਹੁੰਚਾਉਂਦਾ ਹਾਂ (ਕਹਾਉਤਾਂ 10:8, ਕਹਾਉਤਾਂ 10:21)।

19.  ਮੈਨੂੰ ਉਨ੍ਹਾਂ ਲੋਕਾਂ ਤੋਂ ਦੂਰ ਰਹਿਣਾ ਚਾਹੀਦਾ ਹੈ ਜੋ ਮੇਰੇ ਤੋਂ ਕੁਝ ਗਲਤ ਕਰਾਉਣ ਦੀ ਕੋਸ਼ਿਸ਼ ਕਰਦੇ ਹਨ (ਕਹਾਉਤਾਂ 1:10-15, ਕਹਾਉਤਾਂ 4:14-15, ਕਹਾਉਤਾਂ 14:7, 16)।

20.  ਮੈਨੂੰ ਉਨ੍ਹਾਂ ਨਾਲ ਦੋਸਤੀ ਕਰਨੀ ਚਾਹੀਦੀ ਹੈ ਜਿਨ੍ਹਾਂ ਦਾ ਉਸ ਤਰ੍ਹਾਂ ਦਾ ਚਰਿੱਤਰ ਹੈ ਜਿਸ ਤਰ੍ਹਾਂ ਦਾ ਚਰਿੱਤਰ ਮੈਂ ਖੁਦ ਦਾ ਬਣਾਉਣਾ ਚਾਹੁੰਦਾ ਹਾਂ (ਕਹਾਉਤਾਂ 13:20)।

21.   ਪਰਮੇਸ਼ੁਰ ਉਹ ਸਭ ਵੇਖਦਾ ਹੈ ਜੋ ਮੈਂ ਕਰਦਾ ਹਾਂ (ਕਹਾਉਤਾਂ 5:21, ਕਹਾਉਤਾਂ 15:3)।

22.  ਜੇ ਮੈਂ ਵਫ਼ਾਦਾਰ ਅਤੇ ਭਰੋਸੇਯੋਗ ਹਾਂ ਤਾਂ ਮੇਰੇ ਦੋਸਤ ਮੇਰੀ ਕਦਰ ਕਰਦੇ ਹਨ (ਕਹਾਉਤਾਂ 19:22)।

23.  ਜਿਨ੍ਹਾਂ ਲੋਕਾਂ ਨੂੰ ਮੈਂ ਪਿਆਰ ਕਰਦਾ ਹਾਂ ਉਨ੍ਹਾਂ ਦੇ ਨਾਲ ਜੀਵਨ ਨੂੰ ਸਾਂਝਾ ਕਰਨਾ ਐਸ਼ੋ-ਅਰਾਮ ਦੇ ਨਾਲੋਂ ਬਿਹਤਰ ਹੈ (ਕਹਾਉਤਾਂ 15:17)।

24.  ਫੈਸਲਿਆਂ ਬਾਰੇ ਧਿਆਨ ਨਾਲ ਵਿਚਾਰ ਕਰਨ ਲਈ ਮੈਨੂੰ ਲੋੜੀਂਦਾ ਸਮਾਂ ਲੈਣਾ ਚਾਹੀਦਾ ਹੈ (ਕਹਾਉਤਾਂ 21:5,
ਕਹਾਉਤਾਂ 19:2)।

25.  ਜੇ ਮੈਂ ਬੁੱਧੀਮਾਨ ਹਾਂ, ਮੈਂ ਗਿਆਨ ਨੂੰ ਪਿਆਰ ਕਰਾਂਗਾ, ਅਤੇ ਮੈਂ ਚੌਕਸ ਰਹਾਂਗਾ (ਕਹਾਉਤਾਂ 8:12)।

26.  ਮੈਂ ਸ਼ਰਾਬ ਪੀਣ ਤੋਂ ਬਚਾਂਗਾ ਕਿਉਂਕਿ ਇਹ ਬੁਰੇ ਵਿਹਾਰ ਦਾ ਕਾਰਨ ਬਣਦੀ ਹੈ (ਕਹਾਉਤਾਂ 20:1)।

27.  ਮੈਨੂੰ ਦੂਸਰਿਆਂ ਤੋਂ ਬਦਲਾ ਲੈਣ ਦੀ ਕੋਸ਼ਿਸ਼ ਨਹੀਂ ਕਰਨੀ ਚਾਹੀਦੀ ਸਗੋਂ ਮੈਨੂੰ ਪਰਮੇਸ਼ੁਰ ਉੱਤੇ ਭਰੋਸਾ ਕਰਨਾ ਚਾਹੀਦਾ ਹੈ ਕਿ ਉਹ ਨਿਆਂ ਕਰੇਗਾ (ਕਹਾਉਤਾਂ 20:22)।

28.  ਦੂਸਰਿਆਂ ਨਾਲ ਝਗੜਾ ਕਰਨ ਦੇ ਬਜਾਏ ਮੈਨੂੰ ਸ਼ਾਂਤੀ ਬਣਾ ਕੇ ਰੱਖਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ (ਕਹਾਉਤਾਂ 3:30,
ਕਹਾਉਤਾਂ 20:3, ਕਹਾਉਤਾਂ 10:12)।

29.  ਮੈਨੂੰ ਦੂਸਰਿਆਂ ਨੂੰ ਮੁਸ਼ਕਲ ਵਿੱਚ ਫਸਾਉਣ ਲਈ ਕਦੇ ਵੀ ਝੂਠ ਨਹੀਂ ਬੋਲਣਾ ਚਾਹੀਦਾ (ਕਹਾਉਤਾਂ 30:10)।

30.  ਜੇ ਮੈਂ ਭਰੋਸੇਯੋਗ ਹਾਂ, ਮੈਂ ਸਮੱਸਿਆਵਾਂ ਨੂੰ ਪੈਦਾ ਕਰਨ ਲਈ ਭੇਤਾਂ ਨੂੰ ਨਹੀਂ ਦੱਸਾਂਗਾ (ਕਹਾਉਤਾਂ 11:13, ਕਹਾਉਤਾਂ 20:19)।

31.   ਜੇ ਮੇਰਾ ਚੰਗਾ ਚਰਿੱਤਰ ਹੈ, ਮੈਂ ਸੱਚਾਈ ਦੱਸਾਂਗਾ (ਕਹਾਉਤਾਂ 13:5, ਕਹਾਉਤਾਂ 14:5)।

32.  ਬੋਲਣ ਤੋਂ ਪਹਿਲਾਂ, ਮੈਨੂੰ ਧਿਆਨ ਨਾਲ ਸੋਚਣਾ ਚਾਹੀਦਾ ਹੈ (ਕਹਾਉਤਾਂ 15:28)।

33.  ਮੈਨੂੰ ਦੂਸਰਿਆਂ ਦੀ ਅਲੋਚਨਾ ਕਰਨ ਲਈ ਅਤੇ ਦੂਸਰਿਆਂ ਨਾਲ ਝਗੜਾ ਕਰਨ ਲਈ ਕਾਹਲੀ ਨਹੀਂ ਕਰਨੀ ਚਾਹੀਦੀ (ਕਹਾਉਤਾਂ 11:12, ਕਹਾਉਤਾਂ 17:27)।

34.  ਜੇ ਮੈਂ ਜਲਦੀ ਗੁੱਸੇ ਹੋ ਜਾਂਦਾ ਹਾਂ, ਤਾਂ ਮੈਂ ਮੂਰਖ ਹਾਂ (ਕਹਾਉਤਾਂ 12:16, ਕਹਾਉਤਾਂ 14:29)।

35.  ਮੈਨੂੰ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਮੇਰੇ ਸ਼ਬਦ ਲੋਕਾਂ ਨੂੰ ਅਸੀਸ ਦੇਣ ਅਤੇ ਨੁਕਸਾਨ ਨਾ ਪਹੁੰਚਾਉਣ (ਕਹਾਉਤਾਂ 12:18, ਕਹਾਉਤਾਂ 12:25, ਕਹਾਉਤਾਂ 16:24, ਕਹਾਉਤਾਂ 18:21)।

36.  ਮੈਨੂੰ ਹਮੇਸ਼ਾ ਸੱਚ ਬੋਲਣਾ ਚਾਹੀਦਾ ਹੈ (ਕਹਾਉਤਾਂ 4:24, ਕਹਾਉਤਾਂ 12:17)।

37.  ਮੈਨੂੰ ਆਪਣੇ ਵਿਚਾਰ ਪੇਸ਼ ਕਰਨ ਤੋਂ ਪਹਿਲਾਂ ਤੱਥਾਂ ਨੂੰ ਸੁਣਨਾ ਚਾਹੀਦਾ ਹੈ (ਕਹਾਉਤਾਂ 18:13)।

38.  ਜੇ ਮੈਂ ਬਹੁਤ ਜ਼ਿਆਦਾ ਬੋਲਦਾ ਹਾਂ, ਤਾਂ ਮੈਂ ਪਾਪਮਈ ਗੱਲਾਂ ਬੋਲਦਾ ਹਾਂ (ਕਹਾਉਤਾਂ 10:19)।

39.  ਮੈਨੂੰ ਬਜ਼ੁਰਗਾਂ ਦਾ ਵਿਸ਼ੇਸ਼ ਆਦਰ ਕਰਨਾ ਚਾਹੀਦਾ ਹੈ (ਕਹਾਉਤਾਂ 16:31, ਕਹਾਉਤਾਂ 20:29)।

40.  ਦਿਆਲਗੀ ਅਤੇ ਸੱਚਾਈ ਦੇ ਕਾਰਨ ਮੈਨੂੰ ਪਰਮੇਸ਼ੁਰ ਤੋਂ ਅਸੀਸ ਮਿਲੇਗੀ ਅਤੇ ਦੂਸਰੇ ਲੋਕਾਂ ਤੋਂ ਆਦਰ ਮਿਲੇਗਾ (ਕਹਾਉਤਾਂ 3:3-4)।

41.   ਜਦੋਂ ਮੈਂ ਗਲਤ ਕਰਦਾ ਹਾਂ ਤਾਂ ਪਰਮੇਸ਼ੁਰ ਮੈਨੂੰ ਤਾੜਨਾ ਦੇਵੇਗਾ ਕਿਉਂਕਿ ਉਹ ਮੈਨੂੰ ਪਿਆਰ ਕਰਦਾ ਹੈ (ਕਹਾਉਤਾਂ 3:12)।

42.  ਇਸ ਤੋਂ ਪਹਿਲਾਂ ਕਿ ਮੈਂ ਇੱਕ ਫੈਸਲਾ ਲਵਾਂ, ਮੈਨੂੰ ਇਸ ਦੇ ਨਤੀਜਿਆਂ ਬਾਰੇ ਸੋਚਣਾ ਚਾਹੀਦਾ ਹੈ (ਕਹਾਉਤਾਂ 22:3)।

43.  ਜੇ ਮੈਂ ਪਾਪ ਕਰਦਾ ਹਾਂ, ਤਾਂ ਮੈਂ ਦਰਦਨਾਕ ਨਤੀਜਿਆਂ ਦੇ ਕਾਰਨ ਦੁੱਖ ਝੱਲਾਂਗਾ (ਕਹਾਉਤਾਂ 6:27)।

44.  ਜੇ ਮੈਂ ਆਲਸੀ ਹਾਂ, ਤਾਂ ਮੈਂ ਇਸ ਤਰ੍ਹਾਂ ਕੰਗਾਲੀ ਦਾ ਸਾਹਮਣਾ ਕਰਾਂਗਾ ਜਿਵੇਂ ਮੈਨੂੰ ਲੁੱਟਿਆ ਗਿਆ ਹੋਵੇ (ਕਹਾਉਤਾਂ 6:10-11, ਕਹਾਉਤਾਂ 19:15)।

45.  ਜ਼ਰੂਰੀ ਹੈ ਕਿ ਮੈਂ ਆਲਸੀ ਨਾ ਬਣਾਂ, ਕਿਉਂਕਿ ਆਲਸੀ ਹੋਣਾ ਉਜਾੜਨ ਵਾਲਾ ਹੋਣ ਦੇ ਵਾਂਗ ਹੀ ਹੈ
(ਕਹਾਉਤਾਂ 18:9)।

46.  ਮੈਨੂੰ ਆਪਣੇ ਭਵਿੱਖ ਨੂੰ ਸੁਧਾਰਨ ਲਈ ਕੰਮ ਕਰਨਾ ਚਾਹੀਦਾ ਹੈ ਅਤੇ ਮੌਕਿਆਂ ਦਾ ਇਸਤੇਮਾਲ ਕਰਨਾ ਚਾਹੀਦਾ ਹੈ (ਕਹਾਉਤਾਂ 6:6-8, ਕਹਾਉਤਾਂ 20:13)।

47.  ਮੈਨੂੰ ਜਾਨਵਰਾਂ ਦੇ ਪ੍ਰਤੀ ਕਰੂਰ ਨਹੀਂ ਹੋਣਾ ਚਾਹੀਦਾ (ਕਹਾਉਤਾਂ 12:10)।

48.  ਮੇਰੇ ਕੰਮਾਂ ਤੋਂ ਮੈਨੂੰ ਨੇਕਨਾਮੀ ਮਿਲਦੀ ਹੈ (ਕਹਾਉਤਾਂ 20:11)।

49.  ਮੁਸ਼ਕਲ ਸਮਿਆਂ ਵਿੱਚ ਮੈਨੂੰ ਸਹਿਣ ਕਰਨ ਅਤੇ ਦ੍ਰਿੜ੍ਹ ਰਹਿਣ ਦੀ ਯੋਜਨਾ ਬਣਾਉਣੀ ਚਾਹੀਦੀ ਹੈ (ਕਹਾਉਤਾਂ 24:10)।

50.  ਉੱਤਮ ਨਤੀਜਿਆਂ ਲਈ ਮੈਨੂੰ ਸਹੀ ਸਮੇਂ ’ਤੇ ਕੰਮ ਕਰਨ ਲਈ ਤਿਆਰ ਰਹਿਣਾ ਚਾਹੀਦਾ ਹੈ (ਕਹਾਉਤਾਂ 10:5, ਕਹਾਉਤਾਂ 20:4)।

51.   ਆਲਸ ਜੀਵਨ ਵਿੱਚ ਬਹੁਤ ਸਾਰੀਆਂ ਮੁਸ਼ਕਲਾਂ ਨੂੰ ਲੈ ਕੇ ਆਉਂਦਾ ਹੈ, ਪਰ ਮੇਰਾ ਕੰਮ ਮੌਕਿਆਂ ਨੂੰ ਲੈ ਕੇ ਆਉਂਦਾ ਹੈ
(ਕਹਾਉਤਾਂ 15:19, ਕਹਾਉਤਾਂ 14:23)।

52.  ਮੈਨੂੰ ਕੁਝ ਬੇਈਮਾਨੀ ਕਰਨ ਦੁਆਰਾ ਲਾਭ ਕਮਾਉਣ ਦੀ ਕੋਸ਼ਿਸ਼ ਨਹੀਂ ਕਰਨੀ ਚਾਹੀਦੀ (ਕਹਾਉਤਾਂ 10:2,
ਕਹਾਉਤਾਂ 11:18, ਕਹਾਉਤਾਂ 15:27)।

53.  ਮੈਂ ਕੰਮ ਕਰਨ ਦੁਆਰਾ ਅਤੇ ਬਚਤ ਕਰਨ ਦੁਆਰਾ ਪੈਸਾ ਪ੍ਰਾਪਤ ਕਰ ਸਕਦਾ ਹਾਂ (ਕਹਾਉਤਾਂ 10:4, ਕਹਾਉਤਾਂ 12:11,
ਕਹਾਉਤਾਂ 13:11, ਕਹਾਉਤਾਂ 21:20, ਕਹਾਉਤਾਂ 28:19)।

54.  ਜੇ ਮੈਂ ਧਰਮੀ ਹਾਂ ਤਾਂ ਪਰਮੇਸ਼ੁਰ ਮੇਰੇ ਲਈ ਪ੍ਰਦਾਨ ਕਰੇਗਾ (ਕਹਾਉਤਾਂ 10:3)।

55.  ਜੇ ਮੈਂ ਪਰਮੇਸ਼ੁਰ ਨੂੰ ਦਿੰਦਾ ਹਾਂ ਤਾਂ ਪਰਮੇਸ਼ੁਰ ਮੇਰੇ ਪੈਸੇ ਅਤੇ ਮੇਰੀ ਸੰਪਤੀ ਉੱਤੇ ਅਸੀਸ ਦੇਵੇਗਾ (ਕਹਾਉਤਾਂ 3:9-10)।

56.  ਮੈਂ ਜੋ ਵੀ ਦੂਸਰਿਆਂ ਦਾ ਕਰਜ਼ ਦੇਣਾ ਹੈ, ਜਿੰਨੀ ਜਲਦੀ ਸੰਭਵ ਹੋਵੇ ਮੈਨੂੰ ਉਹ ਦੇਣਾ ਚਾਹੀਦਾ ਹੈ (ਕਹਾਉਤਾਂ 3:27)।

57.  ਮੈਨੂੰ ਲੋੜਵੰਦ ਲੋਕਾਂ ਪ੍ਰਤੀ ਉਦਾਰ ਹੋਣਾ ਚਾਹੀਦਾ ਹੈ (ਕਹਾਉਤਾਂ 11:24-25, ਕਹਾਉਤਾਂ 14:21, ਕਹਾਉਤਾਂ 19:17, ਕਹਾਉਤਾਂ 21:13)।

58.  ਮੇਰਾ ਪੈਸਾ ਮੈਨੂੰ ਸੁਰੱਖਿਅਤ ਨਹੀਂ ਰੱਖਦਾ ਹੈ, ਪਰ ਮੇਰੀ ਧਾਰਮਿਕਤਾ ਮੈਨੂੰ ਸੁਰੱਖਿਅਤ ਰੱਖਦੀ ਹੈ (ਕਹਾਉਤਾਂ 2:7-8, ਕਹਾਉਤਾਂ 10:9, ਕਹਾਉਤਾਂ 10:25, ਕਹਾਉਤਾਂ 11:28)।

59.  ਮੈਨੂੰ ਕਿਸੇ ਹੋਰ ਦੇ ਕਰਜ਼ਿਆਂ ਲਈ ਜ਼ਿੰਮੇਵਾਰੀ ਨਹੀਂ ਲੈਣੀ ਚਾਹੀਦੀ (ਕਹਾਉਤਾਂ 6:1-3, ਕਹਾਉਤਾਂ 17:18)।