ਬਪਤਿਸਮੇ ਦੀ ਰੀਤ ਦੀ ਸ਼ੁਰੂਆਤ
► ਇੱਕ ਵਿਦਿਆਰਥੀ ਨੂੰ ਸਮੂਹ ਦੇ ਲਈ ਮੱਤੀ 3:1-12 ਪੜਣਾ ਚਾਹੀਦਾ ਹੈ।
ਨਵੇਂ ਨੇਮ ਦੇ ਵਿੱਚ ਯੂਹੰਨਾ ਬਪਤਿਸਮਾ ਦੇਣ ਵਾਲਾ ਬਪਤਿਸਮੇ ਦੀ ਧਾਰਨਾ ਦੇ ਨਾਲ ਸਾਡੀ ਜਾਣ-ਪਛਾਣ ਕਰਾਉਂਦਾ ਹੈ। ਪਰ ਫਿਰ ਵੀ, ਬਪਤਿਸਮੇ ਦੀ ਧਾਰਨਾ ਨੂੰ ਯੂਹੰਨਾ ਨੇ ਸ਼ੁਰੂ ਨਹੀਂ ਕੀਤਾ ਸੀ। ਫ਼ਰੀਸੀ ਲੋਕ ਪਰਾਈਆਂ ਕੌਮਾਂ ਤੋਂ ਯਹੂਦੀਅਤ ਦੇ ਨਾਲ ਜੁੜਣ ਵਾਲੇ ਲੋਕਾਂ ਨੂੰ ਬਪਤਿਸਮਾ ਦਿੰਦੇ ਸਨ। ਫ਼ਰੀਸੀ ਯਹੂਦੀਆਂ ਨੂੰ ਬਪਤਿਸਮਾ ਨਹੀਂ ਦਿੰਦੇ ਸਨ ਕਿਉਂਕਿ ਉਹ ਮੰਨਦੇ ਸਨ ਕਿ ਯਹੂਦੀ ਪਹਿਲਾਂ ਤੋਂ ਹੀ ਪਰਮੇਸ਼ੁਰ ਦੇ ਲੋਕ ਹਨ। ਯੂਹੰਨਾ ਦੀ ਰੀਤ ਅਲੱਗ ਸੀ ਕਿਉਂਕਿ ਉਹ ਯਹੂਦੀਆਂ ਨੂੰ ਬਪਤਿਸਮਾ ਦਿੰਦਾ ਸੀ।
► ਯੂਹੰਨਾ ਨੇ ਕਿੰਨਾਂ ਲੋਕਾਂ ਨੂੰ ਬਪਤਿਸਮਾ ਦੇਣ ਤੋਂ ਇਨਕਾਰ ਕੀਤਾ? ਅਤੇ ਕਿਉਂ? ਇਸ ਤੋਂ ਸਾਨੂੰ ਬਪਤਿਸਮੇ ਦੀਆਂ ਮੰਗਾਂ ਦੇ ਬਾਰੇ ਕੀ ਪਤਾ ਲੱਗਦਾ ਹੈ?
ਕੁਝ ਫ਼ਰੀਸੀ ਯੂਹੰਨਾ ਦੇ ਕੋਲ ਬਪਤਿਸਮਾ ਲੈਣ ਦੇ ਲਈ ਆਏ, ਪਰ ਯੂਹੰਨਾ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੱਤਾ ਕਿਉਂਕਿ ਉਨ੍ਹਾਂ ਦੇ ਤੌਬਾ ਨਹੀਂ ਕੀਤੀ ਸੀ।
ਫ਼ਰੀਸੀਆਂ ਨੇ ਸੋਚਿਆ ਕਿ ਉਨ੍ਹਾਂ ਨੂੰ ਤੌਬਾ ਕਰਨ ਅਤੇ ਮਾਫ਼ ਕੀਤੇ ਜਾਣ ਦੀ ਲੋੜ ਨਹੀਂ ਹੈ ਕਿਉਂਕਿ ਉਹ ਯਹੂਦੀ ਸਨ। ਯੂਹੰਨਾ ਚਾਹੁੰਦਾ ਸੀ ਕਿ ਉਹ ਸਮਝਣ ਕਿ ਪਰਮੇਸ਼ੁਰ ਦੇ ਅਸਲੀ ਲੋਕ ਉਹ ਹਨ ਜੋ ਉਸ ਨੂੰ ਪਿਆਰ ਕਰਦੇ ਹਨ ਅਤੇ ਉਸਦੀ ਸੇਵਾ ਕਰਦੇ ਹਨ। ਜਿਹੜੇ ਲੋਕ ਯਹੂਦੀ ਵਜੋਂ ਜਨਮ ਲੈਣ ਕਰਕੇ ਪਰਮੇਸ਼ੁਰ ਦੇ ਲੋਕ ਹੋਣ ਦਾ ਦਾਅਵਾ ਕਰਦੇ ਹਨ ਉਹ ਅਜਿਹੇ ਰੁੱਖਾਂ ਵਰਗੇ ਹਨ ਜੋ ਫਲ ਨਹੀਂ ਦਿੰਦੇ। ਪਰਮੇਸ਼ੁਰ ਉਨ੍ਹਾਂ ਨੂੰ ਰੱਦ ਕਰ ਦਿੰਦਾ ਹੈ।
► ਇੱਕ ਵਿਦਿਆਰਥੀ ਨੂੰ ਸਮੂਹ ਦੇ ਲਈ ਯੂਹੰਨਾ 3:22-23 ਅਤੇ ਯੂਹੰਨਾ 4:1-2 ਪੜਣਾ ਚਾਹੀਦਾ ਹੈ।
ਜ਼ਾਹਿਰ ਤੌਰ ਤੇ ਯਿਸੂ ਨੇ ਆਪਣੀ ਸੇਵਕਾਈ ਦੇ ਵਿੱਚ ਬਪਤਿਸਮੇ ਦੇ ਖਾਸ ਜ਼ੋਰ ਦਿੱਤਾ। ਯਿਸੂ ਆਪ ਬਪਤਿਸਮਾ ਨਹੀਂ ਦਿੰਦਾ ਸੀ, ਪਰ ਉਸਨੇ ਇਹ ਜਿੰਮੇਵਾਰੀ ਚੇਲ੍ਹਿਆਂ ਨੂੰ ਦਿੱਤੀ ਸੀ। ਉਨ੍ਹਾਂ ਨੇ ਯੂਹੰਨਾ ਨਾਲੋਂ ਵੀ ਜਿਆਦਾ ਲੋਕਾਂ ਨੂੰ ਬਪਤਿਸਮੇ ਦਿੱਤੇ।
► ਇੱਕ ਵਿਦਿਆਰਥੀ ਨੂੰ ਸਮੂਹ ਦੇ ਲਈ ਮੱਤੀ 28:18-20 ਪੜਣਾ ਚਾਹੀਦਾ ਹੈ।
ਯਿਸੂ ਨੇ ਆਪਣੀ ਧਰਤੀ ਤੇ ਸੇਵਕਾਈ ਦੇ ਅੰਤ ਦੇ ਸਮੇਂ, ਆਪਣੇ ਚੇਲ੍ਹਿਆਂ ਨੂੰ ਕਿਹਾ ਕਿ ਉਹ ਸੰਸਾਰ ਦੇ ਹਰੇਕ ਸਥਾਨ ਤੇ ਜਾ ਕੇ ਚੇਲ੍ਹੇ ਬਣਾਉਣ। ਉਸਨੇ ਉਨ੍ਹਾਂ ਨੂੰ ਬਪਤਿਸਮਾ ਦੇਣ ਦੇ ਲਈ ਕਿਹਾ।
ਅਸੀਂ ਜਾਣਦੇ ਹਾਂ ਕਿ ਇਹ ਹੁਕਮ ਸਿਰਫ਼ ਰਸੂਲਾਂ ਦੇ ਲਈ ਹੀ ਨਹੀਂ ਸੀ, ਕਿਉਂਕਿ ਇਸ ਮਿਸ਼ਨ ਨੂੰ ਪੂਰਾ ਕਰਨ ਦੇ ਵਿੱਚ ਕਈ ਸਦੀਆਂ ਲੱਗਣੀਆਂ ਸਨ। ਯਿਸੂ ਨੇ ਉਨ੍ਹਾਂ ਦੇ ਨਾਲ ਵਾਇਦਾ ਕੀਤਾ ਉਹ “ਅੰਤ ਤੱਕ” ਉਨ੍ਹਾਂ ਦੇ ਨਾਲ ਹੋਵੇਗਾ, ਜੋ ਇਸ ਗੱਲ ਨੂੰ ਵਿਖਾਉਂਦਾ ਹੈ ਕਿ ਇਹ ਹੁਕਮ ਅਤੇ ਵਾਇਦਾ ਆਉਣ ਵਾਲੀਆਂ ਪੀੜ੍ਹੀਆਂ ਦੀ ਕਲੀਸਿਆ ਦੇ ਲਈ ਸਨ।
ਅਸੀਂ ਨਵੇਂ ਨੇਮ ਦੀਆਂ ਪੱਤ੍ਰੀਆਂ ਤੋਂ ਵੇਖਦੇ ਹਾਂ ਕਿ ਪਹਿਲੀ ਸਦੀ ਦੀ ਕਲਿਸਿਆ ਨੇ ਇਸ ਹੁਕਮ ਦੀ ਬਾਅਦ ਦੇ ਵਿੱਚ ਵੀ ਸ਼ਾਬਦਿਕ ਤੌਰ ਤੇ ਪਾਲਣਾ ਕੀਤੀ (ਰਸੂਲਾਂ ਦੇ ਕਰਤੱਬ 2:38, ਰਸੂਲਾਂ ਦੇ ਕਰਤੱਬ 8:38)।
► ਇੱਕ ਵਿਦਿਆਰਥੀ ਨੂੰ ਸਮੂਹ ਦੇ ਲਈ ੧ ਕੁਰਿੰਥੀਆਂ ਨੂੰ 1:12-17 ਪੜਣਾ ਚਾਹੀਦਾ ਹੈ। ਪੌਲੁਸ ਇਸ ਗੱਲ ਦੇ ਪ੍ਰਤੀ ਖੁਸ਼ ਕਿਉਂ ਸੀ ਕਿ ਉਸਨੇ ਕੁਰਿੰਥੁਸ ਦੇ ਵਿੱਚ ਨਿੱਜੀ ਤੌਰ ਤੇ ਜਿਆਦਾ ਲੋਕਾਂ ਨੂੰ ਬਪਤਿਸਮਾ ਨਹੀਂ ਦਿੱਤਾ?
ਬਪਤਿਸਮਾ ਕਲੀਸਿਆ ਦੇ ਵਿੱਚ ਦਾਖਿਲ ਹੋਣ ਦਾ ਚਿੰਨ੍ਹ ਸੀ। ਕੁਰਿੰਥੁਸ ਦੀ ਕਲੀਸਿਆ ਦੇ ਵਿੱਚ ਫੁੱਟ ਪੈ ਚੁੱਕੀ ਸੀ ਅਤੇ ਮੈਂ ਅਲੱਗ-ਅਲੱਗ ਆਗੂਆਂ ਦੇ ਪਿੱਛੇ ਚੱਲ ਰਹੇ ਸਨ। ਪੌਲੁਸ ਨੇ ਉਨ੍ਹਾਂ ਨੂੰ ਯਾਦ ਦਿਵਾਇਆ ਕਿ ਬਪਤਿਸਮੇ ਦਾ ਅਰਥ ਕਿਸੇ ਆਮ ਵਿਅਕਤੀ ਦਾ ਪੈਰੋਕਾਰ ਬਣਨਾ ਨਹੀਂ ਹੈ; ਇਸਦਾ ਅਰਥ ਹੈ ਕਿ ਉਹ ਯਿਸੂ ਦੇ ਪੈਰੋਕਾਰ ਬਣਦੇ ਹਨ। ਉਹ ਇਸ ਗੱਲ ਤੋਂ ਖੁਸ਼ ਸੀ ਕਿ ਉਸਨੇ ਨਿੱਜੀ ਤੌਰ ਤੇ ਉਨ੍ਹਾਂ ਦੇ ਵਿੱਚੋਂ ਜਿਆਦਾਤਰ ਲੋਕਾਂ ਨੂੰ ਬਪਤਿਸਮਾ ਨਹੀਂ ਦਿੱਤਾ ਸੀ, ਤਾਂ ਜੋ ਕੋਈ ਇਹ ਨਾ ਸੋਚੇ ਕਿ ਉਹ ਚਾਹੁੰਦਾ ਹੈ ਕਿ ਉਹ ਉਸਦੇ ਨਿੱਜੀ ਪੈਰੋਕਾਰ ਬਣ ਜਾਣ। ਪੌਲੁਸ ਦੀ ਪ੍ਰਾਥਮਿਕਤਾ ਸ਼ੁਭਸਮਾਚਾਰ ਦਾ ਪ੍ਰਚਾਰ ਕਰਨਾ ਸੀ।
► ਵਚਨ ਦਾ ਇਹ ਭਾਗ ਅਰੰਭਿਕ ਕਲੀਸਿਆ ਦੇ ਵਿੱਚ ਬਪਤਿਸਮੇ ਦੇ ਆਮ ਅਭਿਆਸ ਦੇ ਬਾਰੇ ਕੀ ਜਾਣਕਾਰੀ ਦਿੰਦਾ ਹੈ?
ਵਚਨ ਦਾ ਇਹ ਭਾਗ ਸਾਨੂੰ ਦੱਸਦਾ ਹੈ ਕਿ ਅਰੰਭਿਕ ਕਲੀਸਿਆ ਦੇ ਵਿਸ਼ਵਾਸੀਆਂ ਨੂੰ ਹਰੇਕ ਸਥਾਨ ਤੇ ਬਪਤਿਸਮਾ ਦਿੰਤਾ ਜਾਂਦਾ ਸੀ। ਉਹ ਯਿਸੂ ਦੇ ਹੁਕਮ ਦੀ ਪਾਲਣਾ ਕਰ ਰਹੇ ਸਨ। ਬਪਤਿਸਮਾ ਸਿਰਫ਼ ਇਸਰਾਏਲ ਦੇ ਲੋਕਾਂ ਲਈ ਹੀ ਨਹੀਂ ਸੀ। ਇਹ ਕੋਈ ਅਸਥਾਈ ਰਸਮ ਨਹੀਂ ਸੀ। ਇਸਦੇ ਬਜਾਏ ਜਿੱਥੇ ਕਿਤੇ ਸ਼ੁਭਸਮਾਚਾਰ ਗਿਆ ਉੱਥੇ ਇਹ ਧਾਰਮਿਕ ਰੀਤ ਵੀ ਪੂਰੀ ਕੀਤੀ ਗਈ।
ਸ਼ੁਰੂਆਤ ਤੋਂ ਹੀ ਕਲੀਸਿਆ ਨੇ ਬਪਤਿਸਮੇ ਦਾ ਕਿਸੇ ਪਾਪੀ ਦੁਆਰਾ ਤੋਬਾ ਕਰਨ ਅਤੇ ਵਿਸ਼ਵਾਸੀਆਂ ਦੀ ਸੰਗਤੀ ਦੇ ਵਿੱਚ ਸ਼ਾਮਿਲ ਹੋਣ ਦੀ ਗਵਾਹੀ ਵੱਜੋਂ ਅਭਿਆਸ ਕੀਤਾ ਹੈ।
ਜਿਆਦਾਤਰ ਲੋਕਾਂ ਦੇ ਲਈ ਬਪਤਿਸਮਾ ਉਹ ਪਲ ਨਹੀਂ ਹੁੰਦਾ ਜਦੋਂ ਉਹ ਮਸੀਹੀ ਬਣਦੇ ਹਨ। ਇੱਕ ਤੋਬਾ ਕਰਨ ਵਾਲਾ ਪਾਪੀ ਮਸੀਹ ਦੇ ਵਿੱਚ ਵਿਸ਼ਵਾਸ ਕਰਦੇ ਹੀ ਬਚਾਇਆ ਜਾਂਦਾ ਹੈ। ਬਚਾਏ ਜਾਣ ਤੋਂ ਬਾਅਦ, ਉਸਨੂੰ ਯਿਸੂ ਨੂੰ ਪ੍ਰਭੂ ਵਜੋਂ ਮੰਨਣ ਦੇ ਆਪਣੇ ਨਵੇਂ ਜੀਵਨ ਦੇ ਪ੍ਰਦਰਸ਼ਨ ਵਜੋਂ ਬਪਤਿਸਮਾ ਲੈਣ ਦੇ ਹੁਕਮ ਦੀ ਪਾਲਣਾ ਕਰਨੀ ਚਾਹੀਦੀ ਹੈ। ਕੁਝ ਲੋਕ ਅਜਿਹੇ ਹਨ ਜੋ ਅਪਵਾਦ ਹਨ, ਕਿਉਂਕਿ ਬਪਤਿਸਮੇ ਦੇ ਸਮੇਂ ਉਨ੍ਹਾਂ ਨੇ ਮਸੀਹ ਵਿੱਚ ਵਿਸ਼ਵਾਸ ਕੀਤਾ ਅਤੇ ਮਨ ਪਰਿਵਰਤਨ ਦਾ ਅਨੁਭਵ ਕੀਤਾ। ਪਰ ਆਮ ਤੌਰ ਤੇ, ਬਪਤਿਸਮਾ ਇਸ ਗੱਲ ਦੀ ਗਵਾਹੀ ਹੈ ਕਿ ਮੁਕਤੀ ਪਹਿਲਾਂ ਹੀ ਹੋ ਚੁੱਕੀ ਹੈ।
► ਤੁਸੀਂ ਕਿਸੇ ਅਜਿਹੇ ਵਿਅਕਤੀ ਦੇ ਬਾਰੇ ਕੀ ਕਹੋਗੇ ਜੋ ਕਹਿੰਦਾ ਹੈ ਕਿ ਉਹ ਬਪਤਿਸਮਾ ਲੈਣ ਦੇ ਸਮੇਂ ਮਸੀਹੀ ਬਣ ਗਿਆ ਸੀ?
